Дождот и натаму го зголемува водостојот на реките
Метеоролозите и за денеска прогнозираат врнежи, особено во западниот дел на Македонија, со што земјава трет ден ќе биде зафатена од дожд, кој веќе предизвика зголемување на водостојот на реките и го отежна сообраќајот на неколку патни правци.
Според последните информации на Управата за хидрометеоролошки работи водостоите на реките низ земјава остануват високи, локални излевања се можни во горниот дел од сливот на реката Вардар во Полошкиот регион, во сливот на реката Треска околу месноста Пласница, како и на поедини места во сливот на реките Радика, Црн Дрим, Сатеска и Црна.
Поплавување на подвозникот во висина од еден метар е регистрирано вчера во општина Сарај, кај клучката Матка во близина на бензинската станица Бис Оил, соопшти Републичкиот центар за управување со кризи.
Поплавувањето е последица на дождот и дефект на водоводна мрежа на ЈП Водовод и канализација.
Во Скопје, нивото на реката Вардар на станицата кај Зајчев вчера изнесуваше 168 сантиметри.
УХМР препорачува внимателно следење на состојбата и предупредуваат на внимателно движење покрај реките и суводолиците во текот на денешниот ден.
Врнежите вчера беа почести на запад, а преку ноќта во источните делови од државата.
Сообраќајот на државните патишта се одвива тековно по влажни коловози, информираат од ЈП „Македонија пат“.
На магистралниот пат А2 крак Маврово - Стража (два километри пред планинскиот превој) вчера имаше поголем одрон, кој привремено го отежнуваше сообраќајот.
На магистралниот пат А3 Делчево – М.Каменица имаше свлечиште, а сообраќајот се одвива по направена девијација (15-20м), поради што сообраќајот се одвиваше отежнато.
На учесниците во сообраќајот им се препорачува внимателно управување со возилата и прилагодување на брзината спрема условите на патот.
Ново на Сител
-
Не се срамев од работа, успеав на село со свој бизнис | Сања Димковска | Sitel Podcast 041
-
Тројно убиство во Србија: 22 годишник со ловечка пушка ги убил татко му, дедото и бабата
-
МЗ: Владата усвои информација за состојбата во хируршките клиники, се укажува да се замени опремата на централната компресорска станица со нова
-
Во полициска акција во шест европски земји уапсени 17 членови на албанска нарко организација
-
Тешко повреден работник во фирма во Скопје
-
Финансиска и логистичка поддршка за македонскиот олимписки спорт од меѓународните олимписки организации
-
239 куршуми одземени од кичевчанец
-
Малолетно девојче нападнато и ограбено во Аеродром