Страотна размена во Донбас: За украински војник разменета силувана девојка со отсечена рака и бебе родено во заробеништво

Украина за возврат на ДНР му ја пушти Надежда Козлова, која била силувана од украински војник, а во еден момент таа од силувачот грабнала и активирала граната.

Како резултат на тоа, убиени се двајца украински војници, еден е повреден, а на несреќната девојка и е ампутирана подлактицата.

„Пред неколку дена прифативме девојка родена 1995 година на која десната рака и е ампутирана, а двете нозе скршени. Во заробеништво беше околу 3 години, и таму се породила и сега има едногодишно дете. Таа е во исклучително сериозна состојба и потребна и е рехабилитација, а ќе се обидеме да и ги излечиме нозете и да и ставиме протеза на раката, а за возврат пуштивме украински војник кој е болен зошто има дијабетес“, рече Дариа Морозова, комесар за човекови права на ДНР.