Џорџ Сорос финансира кампања против Брегзит

Американскиот милијардер Џорџ Сорос даде 453.000 евра на британската организација која заговара останување во Европската унија и се обидува да влијае врз гласањето на британските пратеници за завршниот договор за Брегзит, вели нејзиниот претседател.

- Преку својата фондација тој уплати 453.000 евра, изјави поранешниот министер Марк Малок Браун, претседател на „Бест фор Британ“.

Таа организација, конзервативниот весник „Дејли Телеграф“, заговорник на Брегзит, ја обвинува дека се „здружила за да испланира уривање на Брегзит“. 

Весникот пишува дека „кампањата за уривање на Брегзит“ на национално ниво ќе се покрене кон крајот на февруари, со цел да се „организира втор референдум и изгласа останување на Велика Британија во ЕУ“.

- Многу се разочарани од Брегзит, изјави денеска Марк Малок Браун.

Кампањата треба да ја „покрене јавноста за останување на Велика Британија во ЕУ, за  да можат пратениците да ја видат промената на јавното мислење кога во Парламентот ќе гласа „за завршниот договор со Брисел. 

Сорос на Светскиот економски форум во Давос во Швајцарија, минатиот месец нагласи дека британската премиерка Тереза Меј нема долго да остане на власт и рече дека Британците не се свесни за финансиските последици од Брегзит.