Втор ден протест на такси возачите на Бит Пазар
Самостојните такси возачи од Скопје втор ден денеска ја блокираат крстосницата меѓу Трговскиот центар Мавровка и судовите со барање да им се овозможи користење на дел од старата такси постојка на Бит Пазар.
Таксистите во разговор за МИА, најавија дека денеска ќе ја блокираат крстосницата се до 16:30 часот доколку не се оствари средба или не добијат некаков одговор од градоначалникот на Град Скопје, Петре Шилегов.
- Станува збор за само три такси возила кои би ја користеле старата постојка, велат таксистите и ја демантираа вчерашната изјава од градот дека ќе им пречат на стопанствениците во околината и на граѓаните.
Повторија дека новата постојка е во ред, меѓутоа сметаат дека со ротација на трите возила на старата ќе се зголеми фреквенцијата на пазарот и ќе им се олесни на такси корисниците. Додаваат дека со колоната што се прави на новата постојка се блокира сообраќајот, бидејќи 30 возила ја користат таа такси станица.
Тие најавија дека ќе продолжат да ја блокираат оваа крстосница се додека Градот не се изјасни за нивните барања.
Ново на Сител
-
Димитријевиќ од следната сезона ќе игра во Евролигата
-
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
-
Приведени двајца дилери од Прилеп, пронајдена дрога и пушка
-
СПМ: На 8 мај народот ќе ја определи својата иднина и иднината на државата
-
Едeн загинат во сообраќајка на експресниот пат Штип - Кочани
-
На полноќ настапува молк пред вториот круг од претседателските и парламентарните избори на 8 мај
-
Православните верници денеска слават втор ден Велигден и Ѓурѓовден
-
Право на глас на вториот круг од претседателските избори имаат 1.814.317, а на парламентарните 1.815.350