Тешка сообраќајка кај Плетвар, едно лице загина

Тешка сообраќајна несреќа во која едно лице го загуби животот се случи попладнево околу 17:20 часот на патот Прилеп-Градско, кај Плетвар.

Според првичните информации во несреќата учествувале автомобил и мотор, а при директниот судир животот на лице место го загубил мотоциклистот.

Неофицијално во несреќата повредени се уште две лица.

Од МВР потврдија дека е случена сообраќајна несреќа, но не откриваат повеќе детали.

Повеќе информации ќе бидат познати по завршувањето на полицискиот увид кој е во тек.

Сообраќајот на овој патен правец со одвива со наизменично пропуштање на возилата.