Презентиран урбанистичкиот план за градските гробишта во Валандово
Во просториите на општина Валандово денеска се изврши јавна презентација на урбанистичката планска документација со која всушност започнува втората фаза од реализацијата на проектот „Градски гробишта“ во Валандово.
Со стручно презентирање на планот од секторот за урбанизам на општина Валандово беше објаснето дека реализацијата на втората фаза од проектот опфаќа парцелизација на површината, уредување на внатрешна коловозна патека и споредни пешачки патеки, изградба на пристапни скали, простор за алеа на великани и паркинг.
Покрај ова просторот за новите градски гробишта во Валандово ќе изобилува со зелени површини на кои ќе бидат засадени 80 садници млади дрвца, а од урбана опрема предвидено е поставување 24 клупи, 12 маси и чешми.
Веднаш по презентацијата на планскиот документ почна да тече рокот за јавната анкета што ќе трае до 7 декември. До тогаш заинтересираните граѓани и правни лица од подрачјето опфатено со планот ќе можат на анкетни листови да доставуваат предлози, мислења и забелешки.
Ново на Сител
-
При претрес приведен дилер од Битола
-
Јунајтед ќе го продолжи договорот со Гринвуд
-
Алонсо по победата над Рома: Сè беше прилично јасно, навистина настапивме на високо ниво
-
Генералштаб на Украина: Руските сили ги интензивираа нападите кон Авдејево
-
Најстудено на Попова Шапка и во Лазарополе, најмногу дожд во Виница
-
100 санкционирани возачи во Скопје
-
Велипеток - најтешкиот ден во годината
-
Избори во САД 2024: Кои се мега-богатите донатори кои го поддржуваат Трамп?