Македонија и Чешка потпишаа Спогодба за преземање на лица со незаконски престој
Протоколот меѓу Владите на Македонија и Чешка Република за спроведување на Спогодбата за преземање на лица со незаконски престој, со што се овозможува регулирање на процедурите за преземање на лица со незаконски престој меѓу двете држави, денеска во Прага го потпишаа министрите за внатрешни работи на двете држави Оливер Спасовски и Јан Хамачек.
Како што соопшти МВР, на денешната средба министрите Спасовски и Хамачек ја потенцирале добрата соработка меѓу двете држави. Спасовски се заблагодарил на Чешката Република и Министерството за внатрешни работи за несебичната поддршка и помош за македонската полиција во справувањето со миграциската криза која, како што нагласил, е еден од најголемите предизвици за Република Македонија, со кој можевме да се справиме само преку заемна соработка меѓу државите од регионот, поткрепена со силната поддршка на државите од Вишеградската група и Европската Унија.
Чешка помогна преку доделени донации за справување со последиците од миграциската криза, како и за зголемување на капацитетите на македонската полиција, но и со присуство на контингентите на чешките полициски службеници на нашата јужна граница, се наведува во соопштението на МВР.
Ново на Сител
-
Во Словенија деактивирана бомба од 104 килограми од Втората светска војна
-
По сообраќајката нормализиран сообраќајот на патниот правец Кичево - Гостивар
-
Суспензии и парични казни за Работнички и МЗТ Скопје Аеродром
-
Застапувал странки иако адвокатската функција му била во мирување, кривична за охриѓанец
-
Три вработени во ЈСП Скопје обвинети за проневера од 23 милиони денари
-
Уапсен Илир Мета, поранешен претседател на Албанија и лидер на Партијата на слободата
-
Министерот Трипуновски потпиша договор со Управата за хидрометеоролошки работи за користење на финансиска поддршка од 1.000.000 денари
-
Околу двесте лица вакцинирани од утрото во поликлиника „Бит Пазар“