Средношколци од Македонија на средби со европратеници во Брисел
Триесетината средношколци од Делчево, Берово, Виница и Македонска Каменица кои деновиве се во посета на Европскиот Парламент во Брисел денеска остварија средби со Манфред Вебер, кандидат на Европската народна партија за претседател на Европската комисија и со европратеникот од пратеничката група ЕНП/ГЕРБ, Андреј Ковачев.
Како што информира директорот на делчевската гимнаизија, Љупчо Прачковски, главна тема на овие средби биле придобивките од зачленувањето на Македонија во Европската Унија и отворањето поголема перспектива на младите кои својата иднина треба да продолжат да ја градат во европска Македонија.
– За Брисел замина првата група наши одлични ученици, кои првпат имаат можност да го видат Парламентот на Европската Унија и да се запознаат со работата на ова највисоко демократско тело во Европа. Со учениците е и професор кој што предава за Европската Унија. Оваа посета на Европскиот Оарламент за нас како гимназија претставува голем чекор, заради тоа што учениците ќе се здобијат со нови знаења и на лице место ќе се запознаат со европските институции. Сите овие млади луѓе подоцна ќе имаат можност тоа да го презентираат и кај нас и пошироко кај останатите ученици, рече Прачковски.
Оваа посета се реализира на покана од потпретседателот на Европската народна партија и бугарскиот европратеник Андреј Ковачев и на иницијатива на делчевецот Венци Димитровски, кој обезбеди финансиска поддршка за патувањето преку Фондацијата „Бугарско сеќавање“ од Софија на д-р Милен Врбевски.
Популарно од Македонија
Ново на Сител
-
Пожар на депонијата кај Струмица, пожарникарите апелираат до граѓаните да останат смирени
-
Ѓорѓиевски: Печатената грешка веќе е коригирана, а Скопје доби нов знак како што доликува.
-
Владата донесе одлука од денеска интервентно да обезбеди по 50.000 литри дневно бесплатна вода за пиење за граѓаните на Гостивар
-
Епидемиолозите прогласија епидемија во Гостивар
-
МЗ: Близу 350 лица викендов прегледани во Гостиварската болница со симптоми на ентероколит, три лица се хоспитализирани
-
Невреме предизвика голема материјална штета низ Словенија, десетици интервенции на пожарникарите
-
Андоновски: Во Крушево отворен 16. Центар за услуги, граѓаните добиваат непосредна поддршка и директен пристап до електронските услуги
-
Топлотниот бран продолжува до вторник, заладување и дожд од среда
