НБА: Филаделфија и натаму без победа

Филалдефија и понатаму е единствениот тим во НБА лигата кој од почетокот на сезоната нема забележано победа. 76-те, во ноќта помеѓу понеделникот и вторникот, загубија од Далас (86:92). Оклахома загуби во Мемфис (114:122), во натпревар во кој блескаше Расел Вестбрук.

 

Вестбрук одигра брилијантен натпревар постигна 40 поени (шут од поле 13/19, шут за три 5/8) на кои придодаде 14 асистенции, но Оклахома не успеа да победи во Мемфис. Во отсуство на Кевин Дурент, Вестбрук на теренот поддршка доби само од Серж Ибака (18 поени) но тоа беше недоволно да Оклахома да слави во Мемфис.

 

Марио Чалмерс со 29, од кои 16 постигна во последната четвртина и Мајк Конли со 22 поени, го предводеа Мемфис до шесттата сезонска победа.

 

Резултати: Филалдефија-Далас 86:92, Сан Антонио-Портланд 93:80, Хјустон-Бостон 95:111, Мемфис-Оклахома 122-114, Чикаго-Индијана 96:95, Феникс-ЛА Лејкерс 120:101.