САД повикуваат за санкции спрема Турција ако ги купат руските ПВ-системи С-400

Претставничкиот дом на Конгресот на САД одобри едногласно резолуција во која се содржи повик за целосно воведување санкции спрема Турција ако Анкара увезе ПВ системи С-400.

Во резолуцијата одобрена синоќа, се упатува повик кон американскиот претседател Доналд Трамп да воведе санкции согласно закон ако турската влада не укине одлука за купување на руските ПВ-системи С-400.

Конгресмените сметаат дека таа одлука на турските власти „претставува закана за американско-турските односи и го поткопува НАТО“. Турскиот претседател Реџеп Тајип Ердоган изјави дека не е исклучено државата да се откаже од договорот со Москва.