Нова демократија на 13 декември ќе избира нов лидер

Изборите за нов лидер на најголемата опозициска партија во Грција се закажани за 13 декември, одлучи Централната изборна комисија на партијата на вчерашната седница.

Комисијата им се извини на членовите, симпатизерите и пријателите на партијата поради техничките проблеми со компјутерскиот систем, кои доведоа до одложување на изборите за нов партиски лидер.

Неуспешните избори во неделата предизвикаа вистинска „војна“ во Нова демократија. Четворицата кандидати за функцијата меѓусебно се обвинуваа, а двајца од нив Константинос Мицотакис и Адсонис Георгиадис најавија дека ќе се повлечат од функциите на пратениците на Нова демократија.

Мицотакис го обвини времениот претседател на партијата Евангелос Меимаракис дека уште од 11 ноември го предупредил за техничките проблеми во компјутерскиот систем.

Меимаракис, пак, го нападна поранешниот премиер Андонис Самарас, нагласувајќи дека компанијата, која е одговорна за неуспешноста на изборите во партијата, била ангажирана за различни настани за време на владеењето на Самарас. 

Четвртит кандидат е Апостолос Џиџикостас.