Шест нуклеарни реактори во Франција се со фабричка „маана“
Француската компанија за прозводство на електрична енергија –ЕДФ денес објави дека 6 нуклеарни реактори кои се во функција имаат фабрички проблеми на некои компоненти откриени при контролите минатата недела, но притоа се вели дека тие можат и понатаму да функционираат, јавува дописникот на МИА.
–Во оваа фаза на техничкото испитување за овие компоненти, ЕДФ смета дека забележаните разлики не го доведуваат во прашање користењето на опремата и не бараат итен третман, се вели во соопштението на групата, додавајќи дека тоа се однесува и за опремата за идниот реактор на Фламанвил (во Ла Манш).
Како и да е, надлежниот орган за нуклеарна безбедност (АСН) на Франција ќе ги испита безбедносните елементи што ги обезбедуваат ЕДФ и Фраматом. АСН планира да се изјасни за помалку од еден месец, со можност за „преземање мерки на претпазливост, а ако е потребно и да се исклучат реакторите“.
–Сè уште чекаме дополнителни елементи. Потоа, ќе има анализа, со поддршка на нашата техничка рака ИРСН (Институт за заштита од зрачење и нуклеарна безбедност).Затоа ќе биде неопходно да се проверат демонстрациите за безбедност со симулирани податоци за намалување на механичките карактеристики и зголемени преостанати стресови на заварувањата на реакторите, се вели од надлежните власти.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд