Димовски: Ќе предложам Јанева да не добие апанажа од Собранието
Барањето за апанажа на поранешната специјална јавна обвинителка Катица Јанева, која е обвинета во случајот „Рекет“, денеска ќе се најде на дневен ред на една од седниците на Комисијата за прашања на изборите и именувањата.
Претседателот на Комисијата Илија Димовски изјави дека тој ќе побара на Јанева да не и се додели апанажа бидејќи не е избрано лице.
– Денеска ќе го предложам и тоа на дневен ред. Ќе предложам врз база на законските одредби Комисијата да не додели апанажа на Јанева од формалните причини, а тоа се дека таа не е избрана како државен функционер од страна на Собранието, што е услов по закон, туку е само предложена од Собранието, а нејзиниот избор го изврши Советот на јавни обвинители, рече Димовски.
Пратеникот на ВМРО-ДПМНЕ дополнително посочи, на како што рече, скандалите поврзани со неа, како и на злоупотребата на институцијата СЈО и од финансиски и од политички аспект.
– Тоа не ни дава воопшто право да размислуваме на таков чекор. Единствено што може да направиме како Собрание, како пратеници е да апелираме до Јанева, да исполни само едно нејзино граѓанско право, а и обврска, а тоа е да почне да зборува јавно кој, како, кога, зошто учествувал во креирање на тоа чудовиште од институција низ кое се вршеле политички уцени и се вршел финансиски рекет од голем број бизнисмени, рече Димовски.
Само на тој начин, вели тој, таа ќе покаже дека се покајала и дека била несвесна или злоупотребена. е
Ново на Сител
-
До 10 илјади евра казна за непочитување на обврската за објавување на цените на веб страниците
-
Најмалку 17 лица загинаа по израелски напад во Газа
-
РТС поднесе крвична пријава поради блокада на нивни објекти
-
Во американските воздушни напади на пристаништето во Јемен загинале 74 лица
-
Украина прими стотици тела на војници во размена со Русија
-
Зеленски: Русија се повеќе ја напаѓа украинската цивилна инфраструктура
-
31-годишник од Берово пријавил дека бил физички нападнат од едно лице во општина Аеродром во Скопје
-
75-годишен скопјанец пријавил дека неговите три внуки се оддалечиле од семејниот дом