Општина Куманово повторно ќе стопанисува со спортските објекти
Општина Куманово повторно ќе си ги врати под управување градскиот стадион, стрелиштето, спортската сала и комплексот Соколана.
Владата на вчерашната седница донесе одлука спортската сала и останатите спортски објекти да и бидат вратени на општина Куманово како и други спортски сали и објекти од неколку други општини.
Со овие одлуки, информираа од Владата, спортските сали се враќаат во владение и на управување на општините и стануваат поблиску до граѓаните и до спортските клубови во локалните заедници со што се отвораат можностите и потенцијалите за нивна поголема искористеност и за развој на спортот и физичката култура.
– Општина Куманово подолг временски период водеше иницијатива да си ги врати спортските објекти во сопствена надлежност кои своевремено и припаѓаа за да може да планира инвестиции во објектите, бидејќи се наоѓаат во очајна, многу лоша состојба, поради нерасчистени должничко-доверителски односи, склучување договори од страна на субјекти кои не ги исполниле своите обврски, изјави неодамна кумановскиот градоначалник, Максим Димитриевски.
Првично беше вратен под владение спортскиот комлекс Соколана. Општината ќе има обврска да ги заштити овие објекти, да подготви планови за реконструкција. Претходно Куманово одвои два милионa денари за изработка на проект за спортската сала, но ќе се бараат дополнителни средства од Владата за реконструкција.
Кумановскиот градоначалник не ја исклучува можноста за јавно-приватно партнерство, а дивоизградените објекти околу спортските комплекси ќе бидат отстранети.
Популарно од Македонија
Ново на Сител
-
Приведени двајца дрвокрадци во липковско, пронајдено огревно дрво без документација
-
Смртно затрелан албански полициски специјалец, друг ранет, во акција за апсење на барано лице
-
Миланов: Безбедната храна не е привилегија, туку основно право на секој граѓанин
-
БИА го советува Вучиќ да не патува во Тиват
-
Муцунски: Остануваме цврсто на позицијата дека во овој момент нема услови за уставни измени
-
Бебе „продадено“ за 500 евра и бесплатни гинеколошки прегледи во Куманово
-
Албанската мафија станува сè повлијателна во Белгија
-
Меси се појави на тренинг на Аргентина
