Јоксимовиќ: Србија веќе преговара по постриктна методологија
Српската министерка за европски интеграции Јадранка Јоксимовиќ изјави дека Србија внимателно ги следи разговорите во рамки на ЕУ за промена на методологијата на пристапување, потенцирајќи дека доколку е потребно, земјата ќе се адаптира.
– Немаме ништо против ако ЕУ има нови идеи кои би го подобриле квалитетот на процесот на пристапување. Но би било чудно, и не многу фер ако правилата на играта се менуваат за време на играта, истакна Јоксимовиќ.
На синоќешната Меѓувладина конференција во Брисел, таа оцени дека Србија е единствена земја кој почнала преговори по „постриктна методологија“, која се однесува на отворање пристапни преговори со поглавјата од областа на владеењето на правото и поглевјето 35, за следење на имплементацијата на бриселскиот договор. Таа посочи дека почетокот на преговорите со поглевјата 23 и 24 биле „првата ревизија на методологијата на пристапување“.
– Тешко дека условите можат да бидат многу потешки од оние по кои Србија сега преговара. Ние не се жалиме, со внимание следиме и ќе се адаптираме. Лично мислам дека новата методологија не може да биде применета на земји кои се веќе длабоко во процесот на пристапување, истакна Јоксимовиќ.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот