Рама: Целиот процес на обнова по земјотресот ќе заврши во 2021 година
Жителите во албанските села погодени од катастрофалниот земјотрес на 26 ноември ќе имаат свои нови домови во текот на 2020 година. Во видео порака на Фејсбук, албанскиот премиер Еди Рама вели дека се надева оти дел од жителите од селските населени места Новата 2020 година ќе ја дочекаат во нови домови.
Што се однесува до жителите во градовите чии домови исто така беа урнати или оштетени од земјотресот, Рама рече дека процесот на обновата се очекува да заврши до јуни 2021 година.
Тој зборуваше и за реакцијата на надлежните кон оние кои злоупотребиле при градбата на објектите кои се урнаа, додавајќи дека првите апсења се веќе направени и оти акцијата продолжува. Инаку, по ултиматумот на државниот јавен обвинител Олсијан Чела акцијата на апсење почна од Драч. Тимовите за истраги за земјотресот во Драч потпишаа 17 налози за притвор на инвеститори, градежни инженери и официјални лица поради прекршување на безбедносни стандарди при градење.
Уапсени се девет лица, додека по другите се трага, но постојат сомневања дека ја напуштиле земјата.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера