При воздушните напади во Јемен загинаа 35 лица, од кои 26 деца
Најмалку 35 луѓе, меѓу кои 26 деца и шест жени загинаа во Јемен за време на викендот во воздушните напади на коалицијата предводена од Саудиска Арабија, тврди бунтовничката група Хути.
При нападот погодени се куќи на цивили и повредени се 23 лица, од кои 18 деца и жени.
Бунтовниците тврдат дека при саботните напади извршени во северната провинција Ал Џаф, нивните борци собориле авион на коалициските сили.
Меѓународната коалиција соопшти дека пред два дена воен авион Торнадо на Саудиска Арабија се урна во провинцијата Ал Џаф за време на мисија за поддршка на армијата на Јемен.
Борбите во Јемен траат од 2014 година откако Хутите, кои имаат поддршка од Иран, ја соборија владата на претседателот Абд-Рабу Мансур Хади и го зазедоа главниот град Сана и северниот дел од Јемен. Хутите се речиси 30 проценти од населението на Јемен. Додека во 2015 година интервенираше коалиција предводена од Саудиска Арабија, која се обидува да го врати на власт Хади.
Според податоци на Обединети нации, поради судирите во Јемен околу 3,3 милиони луѓе се раселени, а 24,1 милиони лица односно на две-третини од населението им е потребна хуманитарна помош. Тоа е една од најголемите хуманитарни кризи во светот.
Ново на Сител
-
Во Скопје утре ќе се реализира авионска и терестрична дезинсекција против ларви од комарци
-
Трипуновски: Агенцијата за стокови резерви ќе набави 15 илјади тони пченица исклучиво од македонско производство
-
Голем пожар беснее во Измир
-
ЈСП Скопје: Приватните автобуси ќе возат согласно возниот ред, долгот ќе се сервисира според договореното
-
20.000 евра казна за сопственик на два папагали - Им ги пресекол крилата за да се сликаат со туристи на Халкидики
-
Обид за убиство во Струмица - Кривична за четири лица меѓу кои и малолетник
-
Директорка на државен ученички дом во Битола проневерила 202.500 денари
-
Починат работник донесен во Ургентниот центар во тетовската болница