Сообраќајот по влажни коловози, слаб снег на Стража

Сообраќајот на државните патишта се одвива непречено, по влажни коловози. Слаб снег провејува на Стража, кој не се задржува на коловозот, информира утринава Авто мото сојузот на Македонија.

Согласно одлуката на Влада поради коронавирусот, затворени се граничните премини Џепиште-Требиште и Блато и сите возила и патници се пренасочуваат на граничните премини кои се отворени за слободен проток.

Затворен е и граничниот премин Прохор Пчински и возилата се пренасочуваат на Табановце-Прешево. Затворен е и граничниот премин Голема Црцорија – Голеш (кривопаланечко).