Како одговор на среќните двојки на Фејсбук ја објавил својата „љубов“ со буритото

Дејвид Сикорски се соочил со „проблемот“ што го имаат сите корисници на Фејсбук на возраст од 20-ина и 30-ина години: нивните насловни страни на профилите се „затрупани“ со фотографии на вљубени двојки и нивните потомци.

- Мојот Фејсбук порано беше исполнет со пијани, инкриминирачки фотографии на пријателите, а сега е полн со венчавки, свадби, деца... Затоа заклучив дека е време и јас со другите да споделам неколку фотографии од мојот љубовен живот, изјави Дејвид за „Базфид“.

Во неговиот случај тоа значело дека објавил многу „сентиментални“ фотографии од неговата „љубов“ со сендвич бурито.

Во неговиот „проект“ се вклучи и слободниот фотограф Кристин Бакревски.

- Бев многу возбудена што можеме да се потсмевме на сите тие форографии. За среќа, Сан Франциско е многу живописен град, изјави Бакревски.