Пад од 34,4 отсто на увозот на стоки во Косово споредено со 2019 година
Надворешната трговија на Косово забележа значителен пад како последица на блокадата на економските активности за време на пандемијата, така што во април годинава увозот на стоки во земјата беше за 34,4 отсто понизок споредено со истиот период од минатата година, објави Агенцијата за статистика на Косово.
Според извештај на Агенцијата за надворешната трговија во месец април годинава, кој го пренесе приштинската КТВ, во истиот период е забележан пад и на извозот на стоки од Косово, и тоа за 11,5 отсто во споредба со арил 2019 година.
Во споменатиот период увезени се стоки во вредност од 193,9 милиони евра, а вредноста на извозот изнесува 32,6 милиони евра, што претставува пад на трговскиот дефицит за 37,6 отсто споредено со април минатата година. Вкупниот дефицит изнесува 161,2 милиона, односно увозот е покриен од извозот со 16,9 отсто. Трговскиот дефицит во април минатата година изнесувал 258,5 милиони евра.
Укинувањето на таксата од 100 отсто на увозот на српски стоки од 1 април годинава придонесе Србија да биде најголем извозник во Косово споредено со другите земји од ЦЕФТА. Стоките од Србија во вкупниот увоз во Косово учествуваат со 7,8 отсто, односно околу 15 милиони евра, следат Северна Македонија со 5,3 отсто и околу 10 милиони евра, и Албанија со 3,9 отсто, односно околу 7,5 милиони евра.
Од земјите на Европската унија, најголем удел во косовскиот увоз има Германија, со 29 милиони евра, додека од другите држави на врвот на извозници во Косово се Турција со 21 милион и Кина со 17 милиони евра.
Косовските производи биле присутни на пазарите на Албанија, каде што се извезени стоки во вредност од 11,2 милиона евра, Германија (2,9 милиони), Швајцарија (2,5 милиони), Северна Македонија (2,3 милиони евра), Велика Британија, Холандија, Србија, Црна Гора и неколку други земји.
Ново на Сител
-
Пукање на автопатот Тетово - Скопје
-
Рибочуварка на Тиквешко Езеро физички нападната од три лица
-
Во Атина уапсени две лица кои пуштале во продажба ковид тестови и медицински маски со изменет рок
-
Фамелос: Ратификацијата на меморандумите ќе ја унапредеше соработката
-
Викендов променливо облачно, наместа нестабилно со дожд и грмежи
-
Амбасада на САД во Сараево: Додик е на опасен пат, „раздружувањето“ на БиХ значи крај на РС
-
На ГП Табановце влегле и излегле над 18.000, на ГП Богородица скоро 16.000 патници од 10 вчера до 10 утрово
-
Џафери: Значењето на светите браќа Кирил и Методиј е безвременско и обврзувачко, секој да го најде патот и да се вложи во напредокот