Макрон: Осум милијарди евра за производителите на автомобили
Францускиот претседател Емануел Макрон претстави „историски план“ за помош од осум милијарди евра на производителите на автомобили, значително погодени од последиците од пандемијата.
Тие пари треба да се користат и за модернизација на тој сектор во Франција, така што државата ќе стане лидер во производството на електрични автомобили.
– Државата ќе даде нешто повеќе од осум милијарди евра за тој сектор, рече Макрон за време на посетата на фабриката за делови за автомобили „Валео“ во Етабл, на север на Франција.
Макрон рече дека целта на таа помош е Франција да стане првата европска земја во производството на „чисти автомобили“ во наредните пет години, со повеќе од еден милион електрични и хибридни автомобили годишно.
За да го поттикне купувањето автомобили што опадна за време на пандемијата, Макрон синоќа најави зголемување на „еколошки субвенции“ за набавка на електрични возила на 7.000 евра за граѓаните и 5.000 евра за компаниите, како и субвенција од 2.000 евра за хибридни возила. Планирани се и субвенции за продажба на возила по системот „старо за ново“.
Макрон рече дека француско-германскиот план за субвенции од 500 милијарди евра, претставен на Ангела Меркел минатата недела, е „наменет за поддршка на најранливите сектори“.
Макрон разговараше со генералниот директор на „Рено“, Жан-Доминик Сенар, а потоа и со околу триесетина директори од автомобилскиот сектор за мерките што треба да се преземат за да се извлече автомобилската индустрија од тешкотии со 400.000 вработени и уште 500.000 луѓе во активности поврзани со производство на автомобили.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување