ПЕЦ: Најмалку 127 новинари во светот починале од Ковид-19
Најмалку 127 новинари од 31 земја починале како последица на вирусот Ковид-19, се наведува во извештајот на меѓународната невладина организација Прес емблем кампањ – ПЕЦ (Press Emblem Campaign).
– Медиумските работници имаат важна улога во борбата против Ковид-19. Тие се оние кои ја информираат јавноста за ширењето на заразата. Многу од овие работници починаа поради недостиг на соодветна заштита додека работеа на терен, рече Блез Лемпен, шеф на ПЕЦ, чие седиште е во Женева.
Од ПЕЦ тврдат дека од 1 март до 31 мај најмалку 127 новинари од 31 земја починале како последица на вирусот, од кои две третини биле активни на терен.
Само во мај беше пријавено дека 72 новинари починале како последица на заразата, пренесува Анадолија.
Најголем број починати новинари од коронавирус има во Латинска Америка, најмалку 62 новинари, додека 23 во Европа, 17 во Азија, 13 во Северна Америка и 12 во Африка.
ПЕЦ наведува дека извештајот е направен врз основа на информации што се достапни преку националните здруженија на новинари, локалните медиуми и соработници.
Популарно од Свет
Ново на Сител
-
Сиљановска Давкова: Техничката влада е препартиска и нема уставен основ, сега не треба да има предвремени избори
-
Мисајловски: Сè поголем интерес за професионални војници, годинава конкурс за уште 300
-
Зеленски: Украински функционери се на пат кон САД за да ги разјаснат условите за постигнување мир
-
Стармер не сака разговори со Путин како што предложија Макрон и Мелони
-
Поранешната најголема санта лед во светот видена од вселената како се распаѓа
-
Трамп може да ги казни со царини земјите кои се противат на неговите планови за Гренланд
-
ДСЗИ: Причината за смрт на доенчето починато во Кавадарци ќе биде наведена во извештајот по завршување на обдукцијата
-
МВР: Од 20 до 31 јануари тестирање на камерите за сообраќаен надзор во рамки на „Безбеден град“
