Близу 90 нови случаи само во Скопје

Бројката на новозаразени во главниот град како што информира скопскиот Центар за јавно здравје досега изнесува 88 лица, но ова не се конечните бројки за главниот град, бидејќи се очекуваат тестови и од уште една лабораторија.

Од новозаразените 88 во главниот град повторно најмногу се од Чаир, Сарај, Арачиново и Гази Баба, но не се сите од веќе познатите кластери. 

Во исчекување сме на официјалалните информации за новозаразени на ниво на цела држава, но според досегашните бројки се очекува бројката на новозаболени да биде повторно над 100.

Поради исполнетите капацитети во ГОБ „8 Септември“ и Инфективната клиника, денес се одлучило дел од децата кои се наоѓаат во Болницата за белодробни заболувања во Козле  да бидат префрлени на Клиника за детски болести за да се ослободи капацитет за лицата кои имаат потреба од болнички третман.