Макрон: Потребна е подобра координација на европските граници
Францускиот претседател Емануел Макрон денеска апелираше до европските соседи на Франција подобро да ги координираат ограничувањата на границите затоа што коронавирусот повторно брзо се шири.
Поради предвидувањата дека Франција би можела да стане новото жариште на епидемијата, Макрон ја бранеше одлуката на Владата во Париз за брзо рестартирање на економијата.
– Франција мора да научи како да живее со вирусот, како да ја опорави економијата, да финансира социјална помош како што се привремени бенефиции за невработените и како да ги едуцира своите деца во вонредни услови, рече францускиот претседател.
Од денеска во Париз е задолжително носењето заштитни маски на сите јавни места, а градските власти дури предупредуваа дека не е дозволено да се отстрани маската поради пушење или земање храна на јавни места.
Велика Британија, Германија и Белгија воведоа нови забрани за патниците кои пристигнуваат од Франција, па затоа Макрон повика на подобра европска координација и изјави дека „е бесмислено да се затвораат границите, особено поради милиони работници кои патуваат во рамките на ЕУ за да работат“.
Макрон вети дека ќе инвестира 15 милијарди евра во државни проекти со цел создавање нови работни места и враќање на производството во Франција.
Ново на Сител
-

Си-ен-ен: Се урна безбедносна комуникациска мрежа на американската НСА
-

Македонските млади фудбалери У17 и покрај поразот продолжуваат во елитните квалификации
-

Андоновски одржа мастерклас во Париз: Во фокусот дигиталната трансформација на јавната администрација
-

Реновираниот дом „Кузман Јосифовски-Питу“ ќе биде отворен во февруари, деновиве ќе се објави конкурс за сместување
-

Србија доби нов парламентарен состав, пратениците положија заклетва
-

50-годишен маж со огнено оружје се заканувал на сопругата со која е во бракоразводна постапка
-

Татко ја нападнал својата 20-годишна ќерка
-

Хашим Тачи осуден за попречување на правдата на 17 месеци затвор
