Гилмор: Труењето на Навални е чин на домашен тероризам против граѓаните на Русија
Чин на домашен тероризам против граѓаните на Русија кои имаат храброст, и покрај претходните напади, да се ангажираат во граѓанското општество, изјави синоќа амбасадорот на САД во ОБСЕ, Џејмс Гилмор, во врска со труењето на Алексеј Навални.
Сомнежот е насочен кон руската Влада и разузнавачките служби во Русија, но, како што кажа амбасадорот Гилмор „искрено, сум изненаден од коментарите на руските претставници (во ОБСЕ) да сугерираат дека тоа е некаква завера од западните разузнавачки агенции“.
-Тие сугерираа овде денеска дека некаква завера од западните разузнавачки агенции можеби сторила Навални да се разболи во Омск. Ова е многу чудна и вознемирувачка изјава, кажа амабасадорт.
Откако Владата на Германија завчера заклучи дека рускиот граѓанин и опозициски лидер бил отруен во Русија со хемиски нервен агенс од групата „Новичок“, САД ја повикаа Москва на целосна соработка со истрагата на меѓународната заедница за труењето и побара извршителите на ова злодело и оние кои го нарачале, да бидат казнети.
-Труењето на Навални e за комплетна осуда. Русија во минатото има употребено хемиски нервен агенс „Новичок“ во селектирани напади. Ова е истата група на забранети хемиски оружја што Русија ги употреби да ги отруе Сергеј и Јулија Скрипал. Овој чин загрози многу животи во Салсбeри и Ејмсбeри во Велика Британија, предизвикувајќи нивна и хоспитализација на еден полицаец, и двајца други цивили, од кои еден од нив потоа почина.
Семејството на Навални и рускиот народ заслужуваат полна и транспарентна истрага за случајот, а инволвираните да бидат изнесени пред лицето на правдата, истакна Гилмор.
-Мојот руски колега праша „кој добива (од ова)?. Одговорот е, сите оние кои не сакаат да видат подем на слободата и граѓанското општество и сакаат да стават крај на независниот политички ангажман во Русија, добиваат од овој чина на домашен тероризам против граѓаните на Русија кои имаат храброст, и покрај претходни слични напади, да се ангажираат во граѓанското општество, истакна амбасадорот Гилмор.
Ново на Сител
-
Келог: Конфликтот во Украина е на работ на примирје, но потребен е договор
-
Неврологот од Гостивар кој ја менува политичката сцена | Арбен Таравари | Sitel Podcast 087
-
Политико: Маск наскоро ќе се повлече од челното место во ДОГЕ, се враќа на бизнисот
-
Руте: Целосно сум убеден дека НАТО ќе продолжи да постои и САД ќе бидат дел од Алијансата
-
Благодарност од претседателката Сиљановска-Давкова до државите кои помогнаа по трагедијата во Кочани
-
Мостот на Вардар кај Башино Село повторно пуштен за сообраќај
-
Мицкоски и Филипче утре на средба во Владата
-
Пронајдена дрога на работното место кај полицаец од Охрид