Црногорците го сменија Брновиќ

Фудбалскиот сојуз на Црна Гора (ФСЦГ) на редовната седница реши да не ја продолжи соработката со селекторот Бранко Брновиќ. 

 

 

„Извршниот одбор донесе одлука да не ја продолжи соработката со досегашниот селектор на А репрезентацијата Бранко Брновиќ. Извршниот одбор на ФСЦГ му се заблагодарува на селекторот на професионалноста, залагањето и резултатите кои ги оствари за време на заедничката соработка и му посакуваме многу успех во понатамошната кариера“, се наведува во соопштението на ФСЦГ. 

 

Брновиќ стана селектор на Црна Гора во 2011 година, откако ФСЦГ го отпушти Златко Крањчар. Во својот мандат Брновиќ не успеа да ја однесе Црна Гора на ЕП во 2012, СП во 2014 и ЕП во 2016 година.