ВМРО-ДПМНЕ бара вонредна расправа за ситуацијата со лозарите

Лозарите се излажани од СДСМ и од Заев, обвинија денеска од ВМРО-ДПМНЕ.

„Грозјето скапува по цена од 6-7 денари по килограм, а милиони килограми стојат необрани", истакна од собраниската прес сала Зоранчо Јованчев од ВМРО-ДПМНЕ.  Потребни се итни мерки за да се превенира социјална катастрофа, вели Јованчев и токму затоа од партијата најавија дека до Собранието ќе поднесат барање за надзорна расправа. Целта би биле да се постигне консензус помеѓу сите засегнати чинители и да се достигне достоинствена цена за килограм грозје.

На надзорната расправа, како што рече Јованчев, ќе бидат повикани претставници на здруженија на лозари од цела држава, претставници на винариите и стручни лица од Факултетот за земјоделски науки и храна.

Горан Симоновски