Марсијал најдобар млад играч во Европа

Напаѓачот на Манчестер Јунајтед, Антони Марсијал е прогласен за најдобар млад фудбалер во Европа.

Наградата која во 2003 година започна да се доделува по иницијативата на италијанскиот Tuttosport е наменета за фудбалерите кои имаат помалку од 21 година. Најдобриот го озбираат новинари од 30 европски медиуми, меѓу кои се L`equipe, Marca и The Times. 

Марсијал (20) ја освои наградата „Златно момче“, во конкуренција на крилниот играч на Баерн, Кингсли Коман и играчот на Арсенал Хектор Белерин.

Марсијал е трет фудбалер на Манчестер Јунајтед кој ја добил оваа награда по Вејн Руни (2004) и Андерсон (2008). Минатата година оваа награда му припадна на Рахим Стерлинг, а меѓу добитниците се и Лео Меси, Сеск Фабрегас, Серхио Кун Агуеро и Пол Погба.