-->
-->
Двајца вработени во градинка во Крива Паланка позитивни на Ковид-19, установата ќе паузира две недели
-->
Во детската градинка „Детелинка” во Крива Паланка потврдени се двајца вработени позитивни на Ковид-19, поради што од управата на установата е донесена одлука за затворање на градинката во следните 14 дена.
Во објавата на фејсбук-профилот на ОЈУДГ „Детелинка” информираат дека станува збор за една негувателка, којашто беше дијагностицирана пред три дена, по што во изолација се дечињата од групата во која истата работеше, а по тестирање на сите вработени поради претпазливост, потврдено е присуство на вирусот и кај едно лице од техничкиот персонал.
– Ги известуваме родителите дека во нашата градинка до сега се потврдени два позитивни случаи на корона вирусот. Заради навремена превенција и заштита на здравјето на децата, но и можна изолација на целиот кадар, градинката „Детелинка” нема да работи во следните 14 дена. Се надеваме дека се ќе заврши добро по здравјето на сите вработени и дечиња. Чувајте се сите и останете во добро здравје, се наведува во објавата на детската градинка.
Од градинката посочуваат дека работата во градинката се реализираше во согласност со сите протоколи и мерки за заштита од Ковид-19.
-->
-->
-->
Ново на Сител
-
ВМРО-ДПМНЕ и Вреди ги продолжуваат разговорите за нова влада
-
Најмалку тројца загинати во експлозија на киоск во Дизелдорф
-
ОЈО Скопје прибавува и анализира докази за Палчо, истрагата за останатите петмина осомничени во завршна фаза
-
Најмалку четворица мигранти загинаа во сообраќајна несреќа во Хрватска
-
Запленети 4,8 килограми злато при влез на ГП Богородица
-
Тече истрагата за убиството на Вања и Панче, првоoсомничениот Палевски во притвор
-
Летна наградна авантура со Веро, 400.000 денари за најсреќниот купувач
-
Мицотакис: Било кое отстапување од Договорот од Преспа ќе има последици и во билатералните односи и на патот на Скопје кон ЕУ