Филипче: Фокусирани сме на болничките капацитети, да се обезбедат доволно болнички кревети и кадар
Најмногу сега сме фокусирани на болничките капацитети, тоа е критично прашање на кое сите сме фокусирани, како да се обезбедат доволно болнички кревети и кадар што ќе работи и ќе ги лекува пациентите, истакна министерот за здравство Венко Филипче, откако денеска заедно со министерката Радмила Шекеринска во Поликлиниката Букурешт присуствуваа на предавање на воено санитетски возила од Армијата на времено користење на јавното здравство со цел да се помогне во справувањето со пандемијата и грижата за населението.
Можно е да има некои случаи, наведе, што чекаат подолго време, но ние, како што рече, сме фокусирани, на она што значи оптоварување на болниците. Додаде дека секогаш има одреден број пациенти кои чекаат некаква административна постапка имајќи го предвид огромниот притисок и затоа е касното објавување на резултатите.
Во однос на реакцијата од здравствени работници вработени во Институтот за белодробни заболувања – Козле, во сите изминати месеци не добиле никакви надоместоци, бонуси…, Филипче побара време да провери и повтори дека со ребалансот на Буџетот се обезбедени близу 60 милиони денари за награда на сите здравствени работници кои работат со ковид пациентите.
Тој информира дека до утре се чека списокот од сите јавни здравствени установи, на сите лекари, медицински сестри, помошен персонал и се планира, како што рече, сите да добијат еднаква сума, без разлика на кое ниво се во здравствениот систем, како награда за справување со кризата.
Ново на Сител
-
МВР: Кривична пријава против поранешен градоначалник на скопска општина
-
Што и како помага психотерапијата | Елена Џебр | Личен развој | Sitel Podcast 031
-
Повреден малолетник, истепан со дрвени и метални предмети од други малолетници
-
Кривична против тројца скопјани за „убиство во обид“ и „соизвршителство“
-
54-годишна скопјанка пронајдена почината
-
ДИК не го прифати приговорот за гласањето во Липково
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија