ЛЕ: Адеми ја мина групната фаза, Елмас ќе чека разврска во последното коло
Македонскиот фудбалски репрезентативец Аријан Адеми обезбеди „европска пролет“ со Динамо Загреб во Лигата на Европа (ЛЕ), додека неговиот репрезентативен колега Елиф Елмас шансата да ја мине групната фаза со својот Наполи ќе мора да ја бара во последното коло.
Адеми го одигра целиот меч и запиша асистенција во триумфот на Динамо на гостински терен кај Феенорд од 2:0 во претпоследното коло во К-групата.
За македонскиот репрезентативец ова беше 77. „европски“ натпревар во дресот на Динамо со што постави нов клупски рекорд, додека хрватскиот првак стана првиот клуб во ЛЕ кој ја минал групната фаза без примен гол.
Елмас влезе од клупата за резерви и одигра половина час во ремитото на Наполи на гостувањето кај АЗ Алкмар од 1:1 со што разврската во Ф-групата е пролонгирана за идниот четврток во последното, шесто коло.
Риека на Дарко Велковски со бод се прости од ЛЕ, откако одигра 2:2 на гости против Реал Сосиедад во меч во кој македонскиот репрезентативец го постигна водечкиот гол за хрватскиот тим.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка