210 санкционирани возачи во Скопје, 78 за непочитување на брзината на движење

Министерството за внатрешни работи во текот на вчерашниот ден (03.01.) продолжи со засилените акциски контроли во областа на сообраќајот. Само на територијата на град Скопје изречени се вкупно 210 мерки, од кои 78 за управување со брзина поголема од дозволената, 22 мерки за возење без возачка дозвола, 17 за нерегистрирани и технички неисправни возила, 10 санкции за управување под дејство на алкохол, 12 за користење на мобилен телефон и 5 мерки за поминување на затворен семафор (црвено светло). 

Засилените сообраќајни контроли продолжуваат и во наредните денови.

Министерството за внатрешни работи апелира до граѓаните да ги почитуваат сообраќајните правила и прописи за да се зголеми безбедноста во сообраќајот.