Бројот на случаи на коронавирус во Русија надмина 3,5 милиони

Бројот на случаи на коронавирус во Русија надмина 3,5 милиони, откако во последните 24 часа се регистрирани нови 24.715 случаи на инфекција, соопшти Кризниот центар за борба против коронавирусот.

Во последното деноноќие бројот на умрени е зголемен за 555, што е благ пад од претходниот ден, кога беа пријавени 570 смртни случаи.

Од почетокот на пандемијата во Русија се умрени 64.495 лица како последица на коронавирусот, а досега вкупно се заразени 3.520.531 лица.