Во Грција започна вакцинација на граѓаните над 85-годишна возраст
Со граѓаните кои се над 85-годишна возраст во Грција денеска започна вакцинацијата на населението, а паралелно, во тек е и процесот на вакцинација на здравствените работници во сите болници во земјата, јави дописничката на МИА од Атина.
Минатата седмица беше отворена специјалната платформа за закажување термин за вакцинација за лицата што се во првата фаза односно над 85 години.
-Моќта за живот, напиша министерот за здравство на Грција Василис Кикиљас на неговиот официјален Твитер профил, објавувајќи фотографии од двајца Грци над 85 години кои во атинска болница ја примија вакцината против Ковид-19.
Вакцинацијата во Грција започна на 27 декември 2020 година, а заклучно со вчера попладне биле вакцинирани 75.276 лица.
Втората доза од вакцината на Фајзер во следните денови, веројатно во понеделник , ќе ја примат и грчкиот премиер Кирјакос Мицотакис и грчката претседателка Катерина Сакеларопулу, кои се вакцинираа меѓу првите во Грција.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот