По речиси пет години нов круг прелиминарни контакти меѓу Грција и Турција
По пауза од речиси пет години, денеска во Истанбул продолжуваат прелиминарните контакти меѓу Грција и Турција, со одржување на 61-от круг, јави дописничката на МИА од Атина.
Ставот на грчката страна е дека прашањата што се однесуваат на одредување на ексклузивната економска зона и континенталниот гребен во Егејското море и Источниот Медитеран, се единствените теми за кои разговара Грција, а во никој случај не се разговара за демилитаризација на островите
Станува збор за неформални контакти, а не за преговори, нема обврзувања меѓу двете страни, нема договорен записник, не присуствува трета страна и нема информирање за содржината на разговорите, а целта е доколку има поклопување на ставовите во иднина евентуално би се одржале преговори.
Министерот за надворешни работи на Грција Никос Дендиас во интервјуто за викенд изданието на весникот „Ефимерида тон синдактон“ рече дека доколку нема договор во преговорите кои би можеле да следат по прелиминарните контакти, двете страни ќе треба да се согласат за заеднички текст што во продолжение би се доставил до Меѓународниот суд во Хаг.
Истакна дека Грција во контактите доаѓа со добра волја и конструктивен дух и главно и изрази надеж дека ист е ставот и на турската страна.
Последниот круг прелиминарни контакти меѓу Грција и Турција беше одржан во март 2016 година.
Ново на Сител
-
Болните, затворениците и лицата во старските домови први гласаат на двојните избори
-
Акредитирани 1078 домашни и 770 странски набљудувачи за изборите на 8 мај
-
Израел испраќа делегација на преговорите и ги продолжува операциите во Рафа за да изврши воен притисок врз Палестинците
-
Одбележување на Денот на полицијата, посебен сообраќаен режим во општина Аеродром
-
Стано: Амбасадорите на ЕУ, САД, Германија, Велика Британија, Балтичките земји, нема да присуствуваат на инаугурацијата на Путин
-
Сообраќајот непречено, по претежно суви коловози
-
Сончево и топло со мала до умерена облачност
-
Приведени две лица во Чашка за поткуп при избори