Борисов: Со вакво темпо на вакцинирање од 1 март во Бугарија ќе се отворат рестораните и салите
Во Бугарија досега се вакцинирани речиси 150. 000 граѓани, за само еден ден вчера се имунизирани над 17.000 лица, а повеќе од 200.000 пациенти заздравеле од Ковид-19.
-Со оваа стапка на вакцинација и овој штит од 350.000 луѓе што го имавме пред пандемијата, на 1 март ќе бидат отворени рестораните и салите за игри на среќа, а ноќните клубови ќе бидат отворени на 1 април, изјави денеска бугарскиот премиер Бојко Борисов, по редовниот состанок на владата, јави дописникот на МИА од Софија.
Премиерот му нареди на министерот за здравство, Костадин Ангелов, на денешниот состанок со сопствениците на рестораните и другите угостителски објекти да разговара за неопходните активности во врска со нивната подготвеност да ги отворат вратите од 1 март.
Во овој контекст, премиерот на Бугарија истакна дека вакцинацијата треба да продолжи со сегашното темпо, а обезбедените мобилни тимови за оддалечените населби треба да продолжат со имунизацијата, бидејќи тоа е начин секторите затворени од пандемијата повторно да почнат со работа под одредени услови и капацитети.
-Во Бугарија, со строго почитувани мерки, и истовремено со најлибералните во Европа, покажуваме резултати што на луѓето им овозможуваат да живеат нормално. Бугарите не чувствуваат дека постои пандемија, како и во другите европски земји. Значи, да продолжиме на овој начин, рече бугарскиот премиер Бојко Борисов.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп