Ѓоковиќ го откажа учеството на Мастерсот во Мајами

Светскиот рекет број 1, Србинот Новак Ѓоковиќ ќе го пропушти Мастерсот во Мајами, кој ќе започне следната недела.

– Одлучив да го искористам ова драгоцено време да бидам дома со моето семејство. Имајќи ги предвид сите ограничувања, треба да најдам рамнотежа помеѓу времето на турнеја и домашното време, ја објасни својата одлука шампионот на Австралија опен.

Така, на турнирот во Мајами ќе недостасуваат Ѓоковиќ, Рафаел Надал, Роџер Федерер и Доминик Тим.

Од најдобрите 5, таму ќе играат само Данил Медведев и Стефанос Циципас.

Турнир од Мастерс серијата ќе се одржи без барем еден играч од „Големите тројца“, првпат по Париз 2004 година. Оттогаш се одржаа 138 натпреварувања во оваа категорија, а Федерер, Надал и Ѓоковиќ освоија 95 титули во нив.