Џафери: Јас сум против одложување на пописот, ние имавме избори среде пандемија

Собранискиот спикер Талат Џафери е против одложување на пописот. Според него, операцијата треба да се спроведе според првично предвидениот рок.

-Јас сум против одложување на пописот. Ние сме имале избори сред пандемија. Пописот е индивидуален акт, попишувачот оди кај семејството и согласно протоколите прави регистрација, односно попис. Ова е мое мислење и сметам дека нема потреба да се одложи. Сепак, ќе има процедура за ова и ќе видиме како ќе помине. Повикувам на почитување на Закон и на Устав, не е важно дали јас сакам или не – рече Џафери на ТВ 21.