Владиката Јосиф испрати празнична честитка до верниците во Тетовско-гостиварската епархија
Митрополитот на Тетовско-гостиварската епархија, г. Јосиф во пригодно обраќање им го честиташе најголемиот празник на верниците Воскресение Христово – Велигден.
– Со Воскресението Христово започнува нов живот за човечкиот род. Со него не може да се спореди ниту еден настан, ни по големина, ни по значење, ни по таинственост. Со Воскресението, животот и науката Христови добиваат полна смисла и објаснување. Евангелието се потврди како спасоносна вистина, а воскреснатиот настан потврдува дека сме создадени за живот. „Јас сум Воскресние и живот, кој влегува во мене и да умре ќе живее“. Христос Воскресна и со тоа не направи учесници во вечната победа над смртта, објавувајќи ни го патот на нашето Воскресние. Возљубени чеда на тетовско-гостиварската православна епархија при Македонската Православна Црква Ви го честитам најрадосниот празник со најрадосниот поздрав: Христос Воскресе-Навистина Воскресe, порача митрополитот г. Јосиф.
Вечерва петнаесет минути пред полноќ г. Јосиф ќе изврши трикратен опход околу Соборниот храм Свети „Кирил и Методиј“ во Тетово по што ќе започне Воскресната литургија.
Ново на Сител
-
Црвен Крст: Апел за помош за настраданото население од поплавите во Босна и Херцеговина
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ