Приведен скопјанец за издржување на затворска казна

Попладнево од страна на полициски службеници лишен е од слобода скопјанец по распишана централна потерница за издржување на затворска казна, информира МВР.

– Денеска во 14:25 часот од страна на полициски службеници од Секторот за меѓународна полициска соработка – Отсек за потрага, на подрачјето на  село Бадар е лишен од слобода П.А.(40) од Скопје, по распишана централна потерница и добиена судска наредба, за издржување на казна затвор за сторено кривично дело „тешка кражба“, соопшти МВР.

Лицето е предадено во полициска станица, по што ќе биде спроведено во Казнено-поправна установа за издржување на затворската казна.