Лондон ќе инвестира стотици милиони фунти за стимулирање одење пеш или со велосипед

Британската влада ќе инвестира 338 милиони фунти за промовирање на одење пеш и изградба на нови велосипедски патеки. Целта е зголемената пандемиска употреба на велосипеди како превозно средство да остане трајна, како дел од напорите за намалени штетни гасови.

– Минатата година, милиони од нас откриле дека возењето велосипед и пешачењето се одлични начини да се остане во форма, да се ублажи застојот на патиштата и да се придонесе за животната средина, изјави британскиот министер за транспорт, Грант Шепс, додавајќи дека кабинетот е решен да го продолжи тој тренд.