Во Конгресот поднесена резолуцијата за отповикување на Бајден
Пратеничката од американската сојузна држава Џорџија, Марџори Тејлор Грин, позната по своите контроверзни изјави, предложи Конгресот да објави постапка за импичмент на американскиот претседател Џо Бајден.
Грин рече дека поднела нацрт-резолуции до Конгресот за смена на Бајден од власт, бидејќи наводно оставил 10.000 Американци во Авганистан откако Талибанците ја презедоа власта. Таа, исто така, тврди дека претседателот ги прекршил законите за имиграција дозволувајќи криза на јужната граница на САД и си присвоил законодавни овластувања, спротивно на ставот на Врховниот суд, со продолжување на мораториумот за иселување на станари кои не ја плаќаат киријата поради економската криза предизвикана од пандемијата.
Нејзината иницијатива има мали шанси за успех во Конгресот, каде што двата дома се контролирани од демократите кои го поддржуваат Бајден.
Ново на Сител
-
Сашо Мијалков излегува од затвор
-
Вучиќ пристигна во Њујорк заради гласањето на резолуцијата за Сребреница во ОН
-
Путин назначи нов заменик министер за одбрана
-
Гвардиола: Поблиску сум до заминување, отколку до останување во Сити
-
Утре сончево со умерена облачност, попладне со дожд и грмежи
-
Уапсен е врховниот судија Наке Георгиев поради поткуп
-
Откако не му дале пари, со нож се заканил на својот татко дека ќе го убие
-
Сапунот од кокос - благотворен против комарци