Заев во Тирана на средба со Меркел и лидерите од Западен Балкан

Премиерот Зоран Заев денеска во Тирана ќе присуствува на средбата на германската канцеларка Ангела Меркел со лидерите на земјите од Западен Балкан.

Заев ќе ја предводи владината делегација во чиј состав се и заменик-претседателот во Владата задолжен за европски прашања Никола Димитров и министерот за надворешни работи Бујар Османи.

Според агендата, предвидено е попладне владината делегација да има билатерална средба со канцеларката Меркел.