Арсовска: Не е точно дека сум го променила името, името го добив по дедо ми Дане кој е Македонец
Независната кандидатка за градоначалник на Скопје, поддржана од ВМРО-ДПМНЕ, Данела Арсовска, и денеска на прес-конференција ги негираше обвинувањата дека поседува бугарско државјанство.
Одговарајќи на новинарски прашања таа истакна дека СДСМ шири лаги бидејќи стравува од пораз на локалните избори и најави тужби со надомест.
Арсовска рече дека не е вистина оти го променила името од Даниела во Данела. Според неа, СДСМ сака да ја претстави како кандидат со антидржавен елемент, и покрај тоа што владејачката партија е онаа која, како што рече, ги продала македонските национални интереси.
„Родена сум Данела Јовановска. Името го добив по дедо ми, Дане којшто е Македонец. Родена сум скопјанка, живеам во Скопје“, изјави Арсовска додавајќи дека намерно се шират лаги кусо пред изборите, со цел да се оневозможи низ постапка докажувањето на вистината.
Прашана дали ќе се соочи со кандидатот од СДСМ, Петре Шилегов, Арсовска нагласи дека нема да седне на маса со лица кои ја навредуваат и понижуваат.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера