Трајко Славевски избран за претседател на Совет на Град Скопје

На конститутивна седница со 26 гласа „ЗА“ беше избран Трајко Славевски од ВМРО-ДПМНЕ за претседател на Советот на Град Скопје.

Покрај советниците на ВМРО-ДПМНЕ, за него гласаа и од Левица, Алијанса на Албанците и Алтернатива и двајцата советници на коалицијата ЛДП ДОМ.

Трајко Славевски порача дека во Советот нема да има место за политика и идеологија, туку Советот ќе мора да работи за да ги подобри условите за житвот на сите граѓани на Скопје. Модернизација на градот и реализирање на ветените проекти.

- Состојбата особено во претпријатијата не е добра. Се соочуваат со големи проблеми особено превработеност, пред нас стои тешка задача. Ове ќе биде многу квалитетен Совет, ние ќе бидеме контролори на работењето на градоначалничката и на претпријатијата, изјави Славевски. 

Мирјана Давидовска