Американски дипломати од Женева и Париз последни жртви на т.н. Хавана синдром
– Официјални лица во дипломатската служба на САД од Женева и Париз се последните жртви за кои се верува дека добиле мистериозни невролошки проблеми познати и како Хавана синдром, јави денеска Волстрит журнал.
Називот на синдромот доаѓа по местото каде првпат биле забележани вакви напади – американската амбасада во Хавана на Куба пред повеќе од пет години.
За можни напади на американски дипломати во Европа со направи за кои се верува дека испуштаат штетни микробранови од далечина летоска било известено во внатрешните служби на Стејт департментот, пишува весникот. Овие дипломати се меѓу 200 останати кои се пожалиле дека добиле Хавана синдром додека работеле во Кина, Јужна Америка и во други земји во Европа како Србија, Австрија и Германија.
Симптомите вклучуваат главоболки, вртоглавица, когнитивни тешкотии, тинитус, вертиго и проблеми со видот, слухот и рамнотежата. Весникот наведува дека многу вработени страдаат од овие симптоми со години откако првпат известиле, додека на некои им биле дијагностицирани мозочни трауми.
Американската влада работи на тоа да се истражи кој стои зад овие напади и каква направа или направи се употребуваат. За тоа е оформена работна група во Стејт департментот.
Лани во октомври Администрацијата на Џо Бајден потпиша и закон за помош на жртвите од т.н. Хавана синдром, со што се засилува здравствената помош за настраданите службеници.
Ново на Сител
-

Протести во Прага поради планираното укинување на претплатата за чешките јавни медиуми
-

Од специјализирана продавница за „Покемон“ украдени карти во вредност од над 130.000 евра
-

Трамп бара од Конгресот дополнителни средства за модернизација на американскиот систем за контрола на воздушниот сообраќај
-

Следува променливо облачно и потопло време, од среда повремено силен јужен ветер
-

Изминатото деноноќие 15 пријави за семејно насилство во државава
-

Акциски контроли на подрачјето на Центар во Скопје, констатирани повеќе прекршошци
-

Седум ПП возила и 19 пожарникари гаснеле запалена барака во Жданец
-

Николоски: Охридскиот аеродром годинава ќе достигне помеѓу 370.000 и 400.000 патници наспроти предвидените 130.000 до 2030 година
