По забраната за лов, диви свињи слободно шетаат во делчевските села
По појавата на африканска свинска чума во Делчевско и мерката за забраната на лов, забележани се диви свињи како слободно шетаат во атарот на неколку делчевски села.
За последниот ваков случај информира Дарко Златковски од Габрово, кој забележал дива свиња покрај патот кој води до селото.
-Дивата свиња беше прилично мирна, не правеше штета, туку бараше храна покрај патот. Некои велат дошла од Вртиславци, некои дека е припитомена бидејки е одгледувана во домашни услови, вели Златковски.
Дека диви свињи често се одгледуваат во домашни услови, може да се потврди и од случајот од изминатото лето, кога дивото животно беше забележано во градскиот парк во Делчево, а потоа беше потврдено дека свињата избегала од кафез, во кој се чуваат и домашни свињи.
Одгчедувачите на свињи кај чии грла неодамна беше извршена депопулација се децидни дека Африканска свинска чума се појави токму од дивите свињи и затоа според нив требаше да се спроведе хајка на диви свињи, со цел да се намали влијанието на вирусот.
Ацо Десподовски од село Драмче на кого му беа уништени 60 грла, потврди дека диви свињи годинава има многу.
-Не само што ги има, туку направија голем пустош по нивите. Целата пченка ја однесоа, а правеа и други штети, вели Десподовски.
Од таа причина неодамна ловечкото здружение „Хантер Про” апелира да се тргне забраната за лов до 31 јануари, за да има поголем отстрел на диви свињи и да се направи увид на умрени единки, со цел да се утврди дали и по депопулацијата на домашните свињи, има присуство на африканска чума кај дивите свињи.
По појавата на африканска свинска чума во делчевското село Драмче во радиус од три километри беше извршена депопулација на околу 200 грла, за што сопствениците ќе добијат соодветен паричен надомест.
Ново на Сител
-
Пронајдени над 50 килограми марихуана во Демирхисарско, приведено едно лице
-
Црвениот крст на РСМ ги повикува македонските граѓани да донираат средства за настраданите во БиХ
-
Нормализиран сообраќајот на патот Струмица - Валандово
-
Премиерот Мицкоски ќе присуствува на официјалното отпочнување на надградба и реконструкција на граничниот премин Деве Баир
-
Утре литургија во соборниот храм ,,Св. Климент Охридски” по повод 25 годишнината од востоличувањето на г.г. Стефан
-
Најмногу дожд наврнат во Пожаране и Лазарополе
-
ЦУК: 2 028 повици изминатото деноноќие, три пожари на отворено
-
Приоритет на Владата е поддршка на македонското земјоделство: Историски највисока цена за грозјето, исплатени заостанати плати и субвенции