Димитар Велјаноски поднесе оставка од советничкото место во Општина Охрид

Димитар Велјаноски поднесе неотповиклива оставка од местото советник во Советот на Општина Охрид.

Велјаноски на локалните избори беше носител на независната листа „Охрид пред сѐ“, граѓанското движење што освои едно место во 23-члениот совет на Општината.

Според изборната листа, а и информациите од „Охрид пред се“, местото на Велјаноски во Советот ќе го заземе Леона Кичеец.

Инаку, првичните информации се дека оставката на советничката функција е поднесена од лични причини.