Горниот дом на австрискиот Парламент го поддржа законот за задолжителна вакцинација
Горниот дом на австрискиот Парламент усвои закон со кој вакцините против коронавирус ќе бидат задолжителни за возрасните, што е прв таков потег во Европската унија.
Околу 69 отсто од австриското население е целосно вакцинирано против коронавирус, што е една од најниските стапки во Западна Европа.
Со овој потег, новата Влада остана на одлуката што ја објави поранешниот канцелар во ноември, и покрај сомневањата дека таа никогаш нема да биде целосно спроведена.
Заложбата, која треба да се спроведува во фази, најверојатно ќе стапи на сила во рок од неколку дена, но полицијата ќе почне да проверува дури на 15 март за да види дали луѓето се вакцинирани.
Подоцна, во третата фаза, ќе почнат потемелни проверки кога ќе профункционира регистарот за вакцинација.
– Се надевам дека третата фаза воопшто нема да ни биде потребна. Ако експертите проценат дека не е неопходно, ако уставните адвокати кажат дека не е пропорционално, третата фаза нема да се случи, изјави министерот за здравство Волфганг Мукенштајн за радиото ОРФ неколку часа пред усвојувањето на законот со 47 гласа „за“ и 12 „против“.
Истовремено, Владата ги олеснува епидемиолошките мерки за невакцинираните, бидејќи зафатеноста на болничките кревети за интензивна нега е на „добро ниво“.
Пред да стапи на сила, законот за задолжителна вакцинација треба да биде потпишан од претседателот Александар Ван дер Белен и канцеларот Карл
Нехамер, што е формалност за што се потребни неколку дена.
Ново на Сител
-
Приоритет на Владата е поддршка на македонското земјоделство: Историски највисока цена за грозјето, исплатени заостанати плати и субвенции
-
Поради сообраќајка во прекин сообраќајот на патот Струмица - Валандово
-
Во БиХ продолжува потрагата по исчезнатите во поплавите и свлечиштата во Јабланица, досега најмалку 20 загинати
-
ЈСП: Бесплатен јавен превоз за „Бела ноќ“, изменет сообраќаен режим за Скопски маратон
-
ИДФ се обидува да влезе во јужниот либански град Одаисеј, експлозии и во Бејрут
-
Бајден: Да бев на местото на Израел ќе размислев дали да ги гаѓам иранските нафтени постројки
-
Облачно со повремени врнежи од дожд, наместа засилен ветер
-
Поплавени куќи и улици во Тетово