Владината „шкода“ поминала на црвено и удрила во возилата кои тргнале на зелено

Возачот Ј.Б. кој вчера ги возел министрите за финансии и за економија, Фатмир Бесими и Крешник Бектеши ја предизвикал сообраќајката во која учествуваа уште две возила, пишува СДК.МК повикувајќи се на неофицијални информации од очевидци.

Според пишувањата на порталот, до незгодата дошло во моментот кога возила марка „киа“ и „фиат“ паралалено од двете ленти на булеварот „Илинденска“ тргнале на вклучено зелено светло во правец кон Центар. Само што тргнале, владината „шкода“ поминала на црвен семафор и од десната страна удрила во двете прописно тргнати возила.